Shqipëria renditet në vendet e fundit në Europë, përsa i përket fair-play. Paçka se mbi respektin ndaj lojës dhe kundërshtarit janë marrë iniciativa nga më të guximshmet; sado që për to flitet thuajse në çdo ndeshje të Kupave të Europës dhe jo vetëm; sado që jepen udhëzime të përcaktuar qartazi nga UEFA për 53 anëtarët e vet dhe në rastin konkret edhe ndaj Shqipërisë; sado që Federata Shqiptare e Futbollit proklamon me të madhe se në rastin e fair-play ka përparime nga viti në vit, faktet tregojnë tjetër gjë. Në bazë të klasifikimit provizor të bërë së fundmi nga UEFA, Shqipëria renditet në vendin e 51 nga 53 shtete, duke lënë pas vetëm Andorën dhe San Marinon. Vlerësimi bëhet duke marrë parasysh të gjitha ndeshjet që
