Ilir Meta jep doreheqjen

[pro-player width=’480′ height=’410′ type=’video’]http://www.balkanweb.com/videoAlbum/Video/8622.flv[/pro-player]
Kryetari i LSI-së, Ilir Meta ka njoftuar para pak castesh dorëheqjen nga postet e tij si zëvendëskryeministër dhe ministër i Ekonomisë.

Në një komunikim me gazetarët, Meta ka deklaruar se vendimi i tij është personal dhe ka si qëllim lehtësimin e hetimit të prokurorisë ndaj tij.

“Jap dorëheqjen e parevokueshme si ministër i Ekonomisë dhe si zëvendëskryteministër. Dorëheqjen ia kam komunikuar kryeministrit Berisha dhe pas këtij momenti jam në dispozicion të prokurorisë për hetim”, ka deklaruar Meta.

Ai ka theksuar se është i gatshëm të përballet me drejtësinë, gjë që nuk mund ta bënte për sa kohë kishte poste qeveritare që i garantonin atij imunitet.

“Ky ka qenë dhe mbetet vendimi im personal dhe mbetet gjithashtu i parevokueshëm. Nuk mund të paraqitem si zëvendëskryeministër dhe ministër në prokurori”, ka pohuar Meta.

Më tej kryetari i LSI-së ka hedhur akuza ndaj ish-vartësit të tij, Dritan Prifti, për përfshirje në afera dhe për një të kaluar me precedentë kriminalë.

“Shqipëria nuk mund të merret peng nga krimi i organizuar dhe monstra si Dritan Prifti, i cili ka një të kaluar kriminale”, ka shtuar Meta, duke paralajmëruar një betejë ligjore ndaj Priftit.

Berisha: Koalicioni me LSI-në do vazhdojë
Kryeministri Sali Berisha duke bërë publike edhe dorëheqjen e Ilir Metës nga postet qeveritare ka theksuar se koalicioni PD-LSI do të vazhdojë.

Në një konferencë për shtyp kryeministri Berisha theksoi se postet të cilat i ka mbajtur Ilir Meta do t`i përkasin sërish Lëvizjes Socialiste për Integrim.

“Zëvendëskryeministri Ilir meta ka paraqitur sot paradite dorëheqjen e tij të parevokueshme. Në arsyetimin e tij për dorëhqejn Meta parashtroi si argumentin më kryesor faktin që ai dëshiron të ndjekë këtë proces në të gjitha aspektet pa imunitet dhe pa pushtet si qytetari Ilir Meta duke vlerësuar që ky është interesi më i mirë i anëtarëve dhe sipmatizantëve që ai përfaqëson i koalicionit dhe vlerat dhe parimeve të tij” theksoi Berisha.

Berisha duke vlerësuar punën e Ilir Metës në postin e ministrit të jashtëm për liberalizimin e vizave theksoi se ky koalicion do të shënojë edhe fitoren e merituar në zgjedhjet lokale të 8 majit.

“Ne diskutuam për angazhimin e mëtejshëm të këtij koalicioni fitoren e sigurtë të zgjedheve lokale dhe natyrisht shpëtimin e Tiranës nga njeriu që e ka kthyer kryeqytetin në betonimin e klaneve që e detyrojnë” shtoi Berisha.

Ai gjithashtu theksoi se koalicioni mes Partisë Demokratike dhe Lëvizjes Socialiste për Integrim do të vijojë me objektivat e tij dhe kryesisht në çështjet e integrimit, ekonomisë, politikës dhe çështje sociale në vend.