Skënderbeu mundi minimalisht 1-0 Elbasanit, duke u kurorëzuar kampion i Shqipërisë për herë të parë pas 78 vitesh. Korçarët iu falën sërish këmbëve të Muzakës që shënoi golin e fitores në minutën e 45-të ta takimit, duke ruajtur distancën 4 pikë me vendin e dytë, kur ka mbetur edhe nj javë nga përfundimi i sezonit.
Kështu, Skënderbeu, pas një ecurie mes meritave dhe “dyshimesh”, është bërë i paarritshëm për Flamurtarin. Korça ka nisur të festojë të mërkurën titullin e parë kampion pas 78 vitesh. Ky është kampionati i dytë i fituar në historinë e klubit Skënderbeu, teksa i pari regjistrohet saktësisht në vitin 1933. Ekipi i presidentit Agim Zeqo, teknikëve Shkëlqim Muça e Shpëtim Duro, kapitenit Bledi Shkëmbi, portierit Orges Shehi si dhe i Vrapit, Sozës, apo Muzakës e kurorëzoi me sukses këtë kampionat të gjatë e të përfolur. Gjithsesi është e pamohueshme se korçarët sollën në stadium tifozerinë, banderolat dhe ngjallën zili te të gjithë sportdashësit shqiptarë në këtë aspekt.
Në Korçë, ndeshja nisi në orën 18:00, kur kishin mbaruar të gjitha takimet e tjera të javës dhe pas vërshëllimës finale ka nisur festa. Pritet që ceremonia zyrtare të zhvillohet as ndeshjes së javës së fundit në Vlorë, Flamurtari-Skënderbeu.
Takime e tjera
Ndërkaq, Flamurtari braktisi në minutën e fundit ndeshjen në Shkodër ndaj Vllaznisë. Sipas rregullores Vllaznia pritet të fitojë në tavolinë.
Flamurtari kryesonte 1-0 falë një goli nga Xhafaj në minutën e shtatë, kur gjyqtari akordoi një penallti pas një rënie në zonë të Vajushit në fundin e takimit të rregullt.
Vlonjatët protestuan fuqimisht dhe si rrjedhojë dy lojtarë u larguan me kartonin e kuq. Kështu Flamurtari braktisi fushën pa u dëgjuar vërshëllima finale.
Përveç garës së fortë për të shpallur ekipin kampion të Shqipërisë, një tjetër garë mjaft e zjarrtë në Superligë është ajo e mbijetesës.
Pas ndeshjeve të djeshme duket se është përcaktuar edhe skuadra që do të ndjekë Elbasanin në Kategorinë e Parë. Bëhet fjalë pikërisht për Besën e Kavajës, e cila ka dalë e humbur në Laç 3-2 dhe tashmë i sheh nga 3 pikë larg rivalet e tjera.
Laçi dhe Besa kanë zhvilluar një lojë plot nerva, ku kanë marrë kartonë të kuq Selimi për kurbinasit dhe Dhëmbi për kavajasit.
Bylisi ka shpëtuar nga rënia në kategorinë inferiore pasi mposhti Tiranën 2-0 në kryeqytet me gola të Gegës dhe Fjodor Xhafës dhe së bashku me të edhe Shkumbini, i cili mposhti 2-1 krutanët e Kastriotit me gola të Kulit dhe Mustafajt, teksa shkurtoi diferencën afrikani Ikonga.
Dinamo dhe Teuta janë ndarë në paqe, duke mos dëmtuar njëra-tjetrën në luftën direkte për mbijetesë. Blutë e kryeqytetit mbetën me 10 lojtarë pas vetëm 32 minutash lojë teksa durrsaku Emiljano Vila, ish-lojtar i Teutës, doli me karton të kuq.
Me këto rezultate plot katër skuadra: Kastrioti, Shkumbini, Dinamo dhe Teuta kanë nga 39 pikë. Një pikë mbi ta i shpëtuar është Bylisi (40), ndërsa Besa duket shoqëruesja më e mundshme e Elbasanit me 36 pikë.
Kategoria Superiore
Java 32-të
Të mërkurën
Vllaznia – Flamurtari 0-1 (e ndërprerë 90’)
Shënues: D. Xhafaj 7′
Tirana – Bylis 0-2
Shënues: Gega 10′, F. Xhafaj 62′
Laçi – Besa 3-2
Shënues: Dragiçeviç 7′, Selimi 14′, Hysa 77′ / Dhëmbi 54′, Lazarevski 90’
Dinamo – Teuta 0-0
Shkumbini – Kastrioti 2-1
Shënues: Kuli (p) 54′, Mustafaj 81’/Ikonga 87’
Skënderbeu – Elbasani 1-0
Shënues: Muzaka 45’
Libri i Artë i kampionatit
2010-11 KF Skënderbeu
2009-10 Dinamo
2008-09 Tirana
2007-08 Dinamo
2006-07 Tirana
2005-06 Elbasani
2004-05 Tirana
2003-04 Tirana
2002-03 Tirana
2001-02 Dinamo
2000-01 Vllaznia
1999-00 Tirana
1998-99 Tirana
1997-98 Vllaznia
1996-97 Tirana
1995-96 Tirana
1994-95 Tirana
1993-94 Teuta
1992-93 Partizani
1991-92 Vllaznia
1990-91 Flamurtari
1989-90 Dinamo
1988-89 Tirana
1987-88 Tirana
1986-87 Partizani
1985-86 Dinamo
1984-85 Tirana
1983-84 Elbasani
1982-83 Vllaznia
1981-82 Tirana
1980-81 Partizani
1979-80 Dinamo
1978-79 Partizani
1977-78 Vllaznia
1976-77 Dinamo
1975-76 Dinamo
1974-75 Dinamo
1973-74 Vllaznia
1972-73 Dinamo
1971-72 Vllaznia
1970-71 Partizani
1969-70 Tirana
1968 Tirana
1966-67 Dinamo
1965-66 Tirana
1964-65 Tirana
1963-64 Partizani
1962-63 Partizani
1961 Partizani
1960 Dinamo
1959 Partizani
1958 Partizani
1957 Partizani
1956 Dinamo
1955 Dinamo
1954 Partizani
1953 Dinamo
1952 Dinamo
1951 Dinamo
1950 Dinamo
1949 Partizani
1948 Partizani
1947 Partizani
1946 Vllaznia
1945 Vllaznia
1937 Tirana
1936 Tirana
1934 Tirana
1933 Skënderbeu
1932 Tirana
1931 Tirana
1930 Tirana
