Miss “E bukura mbipeshë”, e zgjedhur ditë më parë në Forkoli, rajon toskan në afërsi të Pizës, Angela Scognamiglio u shpreh “shumë e prekur” për fitoren e saj që e arriti falë peshës impresionuese prej 170 kilogramësh.
Jam shumë e lumtur, më duket sikur kam fituar një preminë në llotari”, u shpreh 33 vjeçarja italiane nga Napoli, e cila arriti të linte pas rreth 30 konkurrente të tjera, ndër të cilat edhe Cynthia Fernanda Pereyra, 26 vjeçe, e cila peshonte jo më pak se 169.5 kilogramë.
Si ishte përcaktuar edhe për 20 edicionet e tjera të konkursit, kriteri i vetëm për të mundësuar pjesëmarrjen ishte faktori peshë, që duhej të ishte mbi 100 kilogramë. Fituesja Angela, si shpërblim për vendin e parë ka fituar nga organizatori një tortë të madhe.
