Home Aktualitet Shqiptaret bëjnë gati valixhet

Shqiptaret bëjnë gati valixhet

163
0

Destinacionet më të kërkuara janë Greqia dhe Italia, fqinjët tanë që kanë dhe numrin më të madh të emigrantëve shqiptarë.

Shitjet më të mëdha kanë qenë për biletat e autobusëve . Sipas agjensive, duke qenë se pjesa më e madhe e njerëzve do të udhëtojnë në grup, kryesisht pjesëtar të të njëjtës familje, udhëtimi me autobus është më i leverdisshëm.

Një biletë vajtje-ardhje për një person për në shtetin helen kushton rreth 50 euro, nëse do të zgjidhej të udhëtohej me avion çmimi i një bilete vajtje-ardhje çmimi shkon rreth 200 euro.

Agjensitë thonë se po vihet re dhe një tjetër fenomen, ai që kreun e listës së udhëtarëve për festat e fundvitit, po e kryesojnë personat me një moshë mesatare 50 vjeç apo edhe më të moshuar.

Përsa i përket transportit ajror sipas kompanive të shitjes së biletave, prenotimet janë për data më të vona. Kryesisht prenotimet fillojnë nga data 25 dhjetor. Kompanitë e udhëtimit ishin të përgatitura për këtë shtim të numrit të udhëtarëve.

Sinjalet e para u dhanë që një ditë pas marrjes së vendimit për liberalizimin e vizave për Shqipërinë, kur kompanitë morën edhe një paralajmërim nga qeveria se do të penalizohen nëse do të ndikojnë në organizimin e udhëtimeve që mund të shkaktojnë eksod.