Home Si te gatuajme Pjata të dyta Si të gatuajmë bërxollë vici me sherebelë dhe polenta me kungull dimri

Si të gatuajmë bërxollë vici me sherebelë dhe polenta me kungull dimri

493
0

Si të gatuajmë “Bërxollë vici me sherebelë dhe polenta me kungull dimri” – Receta gatimi për “Bërxollë vici me sherebelë dhe polenta me kungull dimri”. Spërkasim kungullin me pak kripë dhe e pjekim në furrë në 180 gradë për rreth 40 minuta, ose deri sa të jetë zbutur plotësisht. E kalojmë në blendër bashkë më qumështin dhe vajin e ullirit deri sa të bëhet pure. E lëmë furrën ndezur. Përgatisim polentën sipas udhëzimeve që shkruhen në pako. Pasi të jetë bërë e butë dhe kremoze hedhim në të purenë e kungullit dhe djathin. Përziejmë mirë. Nxehim gjalpin në një tigan të përshtatshëm për furrë. Marinojmë bërxollat me kripë dhe piper, dhe u vendosim nga 1 gjethe sherebelë në secilën anë. I skuqim në tigan për rreth 2 minuta nga secila anë dhe i transferojmë në furrë ku i lëmë për rreth 5 minuta. Koha e ndenjies në furrë varet nga fakti se sa të pjekur e duam bërxollën. Shërbejmë polentën në dy pjata, dhe mbi të vendosim bërxollën të spërkatur me pak nga lëngjet e tiganit.

berxolle vici

Përbërësit:
– 2 lugë gjelle gjalpë
– 2 lugë gjelle vaj ulliri
– disa fleta sherebelë e freskët (nese s’mund të gjeni të freskët, përdorni të thatë dhe thërrmojeni sipër bërxollave)
– 2 bërxolla vici (mundësisht T-bone)

Për polentën:
– 500 gr kungull dimri i prerë në copa
– 1 lugë gjelle vaj ulliri
– 100 ml qumësht
– 50 gr polenta
– 2 lugë gjelle parmigiano e grirë
– kripë
– piper

Ju bëftë mirë nga Sitegatuajme.Net!