Si te gatuajme gjelin e detit ne furre – receta gatimi per gjel deti
Gjeli i detit është një karakteristikë e darkës së funvitit në Shqipëri. Ne kete recete e e kemi bere shumë thjesht, pa e komplikuar veç me kripë e gjalpë, pa shtuar erëza të tjera, por nëse dëshironi mund ti shtoni piper ose ta mbushni me arra.
Perberesit per Gjel deti te pjekur
- gjel deti rreth 7-8 kg
- 150 gr gjalp
- pak kripë të trashë
Përgatitja e Gjelit te detit
Pasi e kemi pastruar e larë mirë mishin e gjelit të detit e vendosim mbi një tavë të madhe. Vendosim një palë dorashka e fillojmë ta lyejmë komplet mishin me gjalpë, e fërkojmë ngadalë. Më pas i hedhim edhe kripën duke pasur kujdes që ta spërkasim gjithë mishin me kripë.
Tavën me gjelin e detit e vendosim në furrë të nxehtë 250°C përreth 30 minuta. Pasi e shohim që mishi është i skuqur sipër, e nxjerrim tavën nga furri dhe e kthejmë gjelin nga ana tjetër. E lemë të skuqet edhe nga kjo anë. Më pas i shtojmë dy gota uji dhe e mbulojmë tavën me letër alumini. Ulim temperaturën e furrit në 180-200°C dhe vendosim tavën në të. E lemë mishin të piqet përreth 3 orë. Herë pas here mund ta lagni me pak ujë të ngrohtë.
Pasi mishi është pjekur komplet fikni furrën dhe lëreni mishin të pushojë pak në të. Më pas e vendosim në tavë dhe e shërbejmë të ngrohtë.
Per nje menu sa me e shishme preferohet qe gjeli i detit te blihet ne zonen e Peqinit
Ju bëftë mirë nga Sitegatuajme.Net
