Kampionët në fuqi të Gjermanisë do të kërkojnë rikonfirmimin, edhe pse me një ekip me moshë mesatare tepër të re
Përgatiti: LEDIO BILALI
Borusia e Dortmundit do të kërkojë të vërtetojë, që sezoni i kaluar s’ishte një rastësi, teksa ata do të kërkojnë të mbrojnë titullin e Bundesligës, duke e nisur sot kampionatin në fushën e tyre kundër Hamburgut. Me një moshë mesatare 24 vjeç, Dortmundi tronditi kampionatin gjerman, duke marrë kryesimin që në javën e 10-të dhe qëndruan të parët deri në fund të sezonit me 7 pikë më shumë se vendi i 2-të.
Ndërkohë që Bajerni ka bërë goditje në merkaton verore duke marrë portierin gjerman Manuel Nojer dhe Zherom Boateng, Dortmundi ka qenë më i qetë, duke i shtuar skuadrës vetëm talente të rinj, si mesfushorët Ivan Perisiç dhe Ilkej Gundogan (nga Klub Bryzh dhe Nurenberg), ndërsa mbrojtësi Kris Lov u ble nga ekipi i kategorisë së 3-të Çemnitzer. Pas rikthimit të anësorit japonez, Shinji Kagaua, i cili është rikuperuar totalisht pasi theu këmbën në janar, trajneri i ekipit, Jurgen Klop, mund ta bëjë atë pjesë të ekipit që fitoi titullin edicionin e kaluar.
Edhe pse është vetëm 19 vjeç, mesfushori Mario Gëtze, i cili është akoma duke u rritur si lojtar, shihet si ylli më i ri i skuadrës pasi arriti të zhvillonte disa ndeshje mbresëlënëse edicionin e kaluar.
Klop mundi të çorodiste teknikët kundërshtarë edicionin e kaluar, duke ndryshuar shpesh herë modulin sulmues dhe lojtarë si anësorin Kevin Groskreutz, mesfushorin Sven Bender dhe sulmuesi nga Paraguaji, Lukas Barrios, që arritën të linin gjurmët e tyre.
Megjithatë, largimi i njërit prej lojtarëve të skuadrës kampione, ekzaktësisht Nuri Shahinit, që tashmë është një lojtar i Realit të Madridit, ka lënë hapësira të mëdha, që duhen mbushur.
Precedent i pakëndshëm – Megjithatë, Klop do të kërkojë që skuadra e tij të mos ketë të njëjtin fat me kampionët e 2009-ës, Volfsburg, dhe të 2007-ës, Shtutgart, të cilët dështuan në mbrojtjen e titullit në kampionatin vijues. Asnjë nga këto skuadra s’mundi të arrinte më shumë se vendi i 6-të vitin pasues.
“Ne s’jemi kampionë tipikë. Synojmë të jemi pretendentë sërish”, tha Klop, i cili u shpall dhe trajneri më i mirë gjerman nga “Kicker”. Dortmundi do të vijë në ndeshjen me Hamburgun pas një fitoreje 3-0 kundër Sandhauzen për Kupën e Gjermanisë dhe drejtori sportiv i skuadrës, Majkëll Zork, tha:
“Ishte një ndeshje e sigurtë dhe e meritonim të avanconim në kompeticion. Ndihemi gati për sezonin e ri.” Suksesi i arritur edicionin e kaluar tejkaloi çdo parashikim dhe në edicionin e ri pritet që stadiumi me një kapacitet prej 80522 vendesh të tejmbushet, veçanërisht në ndeshjet e Championsit.
Trajneri i Volfsburgut
Magat: Diego largohu, nuk luan me ne
Volfsburgu “ka shqelmuar” Diegon. Mendimi i klubit u shpreh qartë nga trajneri i ekipit, Feliks Magat, i cili deklaroi: “Diego duhet të largohet nga ekipi. Nëse ka për të qëndruar këtu, s’ka për të luajtur.”
Tekniku foli pak dhe ishte i qartë në atë që tha, pa asnjë lojë fjalësh, siç e ka zakon të bëjë shpesh herë dhe theksoi: “Drejtuesit e klubit bashkë me mua jemi dakort në këtë pikë. Diego s’duhet të luajë, por duhet të shitet.”
Për ish-lojtarin e Juventusit është interesuar Atletiko e Madridit, por gjermanët s’duan ta shesin për pak para, pasi për kartonin e brazilianit duhen të paktën 10 milionë euro.
Më tej tekniku Magat shtoi: “Më akuzojnë se u mbaj distancë lojtarëve të mi. Gjithnjë kështu ka qenë, sepse s’dëshiroj që në vendimet e mija të kushtëzohem nga ndjenjat. Dua të vendos me objektivitetin më të mundshëm.”
Raportet mes Diegos dhe klubit gjerman u përkeqësuan më shumë në maj, kur fantazisti gjerman la stadiumin, pasi ishte lënë jashtë formacionit titullar në një ndeshje.
Bundesliga
Java e 1-rë
Sot
(20:30) Dortmund – Hamburg
Nesër
(15:30) Augsburg – Freiburg
(15:30) Hanover – Hofenheim
(15:30) Këln – Volfsburg
(15:30) Shtutgart – Shalke
(15:30) Verder B. – K’lautern
(18:30) Herta B. – Nurenberg
Të dielën
(15:30) Mainc – B. Leverkusen
(17:30) Bajern M. – B. M’gladbah
Renditja
1 Këln 0 0 0 0-0 0
1 Freiburg 0 0 0 0-0 0
1 Herta B. 0 0 0 0-0 0
1 Mainc 05 0 0 0 0-0 0
1 B. Dortmund 0 0 0 0-0 0
1 Shtutgart 0 0 0 0-0 0
1 Bajern M. 0 0 0 0-0 0
1 Verder B. 0 0 0 0-0 0
1 Hofenheim 0 0 0 0-0 0
1 Nurenberg 0 0 0 0-0 0
1 K’lautern 0 0 0 0-0 0
1 B. Leverkusen 0 0 0 0-0 0
1 Augsburg 0 0 0 0-0 0
1 B. M’gladbah 0 0 0 0-0 0
1 Shalke 0 0 0 0-0 0
1 Hamburg 0 0 0 0-0 0
1 Volfsburg 0 0 0 0-0 0
1 Hanover 0 0 0 0-0 0
