Presidenti Tadiç do të takohet sot me përfaqësues të serbëve të Kosovës.
Mësohet se përfaqësuesit e serbëve në veri të Kosovës do të informojnë Presidentin e Serbisë për gjendjen e tensionuar në veri, e cila erdhi pas vendimit të qeverisë së Kosovës për të vënë kontroll në pikat kufitare 1 dhe 31.
Pavarësisht nga marrëveshja midis qeverisë së Serbisë dhe KFOR-it, gjendja në veri të Kosovës mbetet e pandryshuar, barrikadat e vendosura nga serbët lokalë ende nuk janë hequr, raportojnë mediat serbe.
